為左證明我ge記性 係阿婷離開廈門後第三日  嗯..係第四日..岩岩到左第四日..我決定記低阿婷ge廈門遊 雖然..呢d好似應該出現係佢個blog度 明顯地..有人被淹沒係報告中..

21號周三

由於我個風投老師又是走課..全日無課ge我去機場度接阿婷..轉左三次車之後我順利到機場 話說班機正常應該 1455 到..但係一度delay 到 1530..我等左成大半個鐘先接到婷..不過就係因為班機delay 我有機會做一樣我一直想做ge野..就係係機場度見到d人成日拿住張紙寫住"觀迎 xxx" ..我都好想試下咁..於是趁住班機delay..我搵到張紙巾 & 借到隻筆寫左四個大字 "觀迎傻鴨" & 係佢行出來時搖住張紙巾.. 我第一次機場接人ge回憶由於呢張紙巾而美好! 可惜ge係..隻鴨..竟然唔知幾時將我張"觀迎橫額" 送左俾垃圾桶..係我影相留念之前......

接到婷後我地打的返學校 (可憐我去時係轉左三轉巴士 =.=" ) 之後等到怡放學..我地三個再加室友婷儀一起出動去食晚飯 & 宵夜..嗯..無錯..我地係食晚飯前己經諗好宵夜要食咩拉..哥晚真係食曬廈門d好野咁制.. 無記錯..我地應該係由五點半六點度開始食到十點幾十一點...可想而知.. 最後最大ge收獲就係.."好飽啊!!!"... & 當然 係呢個精彩ge晚飯+宵夜馬拉松賽中..我地都有偷下懶休息下ge..就係行街睇衫.. 睇到呢到相信大家都知道..要滿足阿婷豐富多彩ge旅行其實都好簡單..有得shopping & 有好野食 & 仲有一項..先唔講住..

 

22號周四

突然有d眼睏添...不如大家睇住一日先..我訓醒再同你講..後三日ge精彩行程 &  附圖說明~